Horeejo burduube ha sare majalissa wakili’en leddi Najeeriya be luttube maude nder majalissa kan no footi holli wane mum be masiibo mbaruuki himbe woilankeere leddindi sappo e njewee goo be wobbe fere metta bale’en halki ha jiha Edo nyande nogas e jetati leuru March do ha wakkati nde be kabdanno hotuugo gure mabbe ngam be ngada lamar julde sumayye.
Habaruuwo holluuki wane mabbe man wurti on ha habaruuwol ngol horeejo mabbe Mr. Kingsley Chinda wanni jude sendanni tefoobe habaruuji nyande salasa do ha Abuja be fu mabbe be mettini be soinde imanaaku duum wobbe fere kolli halki himbe tan bannin wola hujja fere.
Be fodi hakkilo Nageeriya en duuw dayyo waduuki kude kallude bana de ngam kanju do sankitan jonde narral ha leddindi, nden be sauri rentoobe be hitoobe wada adilaaku ha hitoogo nangaabe.
A BELLO
