Ardiido leddi Najeeriya Bola Tinubu ressi ju’inaal kude nyiballooji jeego ha nder jami’are Calabar ha nder jiha Cross River ha wakkati nde jami’are nden dogginta lamar heutuuki duubi shappan e juwi hautaade be waduugo lamar entuugo fukaraabe nde yebre shappan e tati e jedidi.
Seketereejo maudo mo hukuuma hakkilinoowa jami’aji leddindi watau National Universities Commission, Prof. Abdullahi Ribadu, lutani Ardiido leddi ha lamar man o wii Tinubu yerdanni hukuuma kan hebina jami’are nden kare kutinirteede de jamanu ngam heba wallita ha dogginki kude jangungo ha mare bana no mara haje.
Lamar kan hebi doggineego nyande Altine sappo e jedidi leuru March ndu en wooni nder mum do nden bo lamar man hebi yalirki marbe jude ha fiiji andal ema wakili’en ngomnati leddindi fere fere hautande be hokkugo shahuuji nyaddi faago fukaraabe habdiibe ha jami’are nden.
A BELLO
