Ardiido leddi Najeeriya Bola Ahmed Tinubu umri be yauna hurguugo himbe yiduube be arnyande ngulu hite mota nyebbam je fetti ha duuw buwangal nyanya mararaba nder Abuja nyande alarba do, Ardiido on sappi hukuumajji fiiji njamu duuw ho’a deddenga hurguugo nauniibe man pat ha se to be kebti njamu mabbe.
Tinubu hokki umrore nden on nyande alamissa bawo nde o hebi habaru fettoil motawa nyebbam nga wadi sanadu asar jaule me a yonkiiji bibbe adama’en ha duuw buwangal dillugo nyanya nyande alarba do be kikkide.
Ha habaruuwol ngol shakowo ha office ru Ardiido leddi , Mr. Bayo Onanuga, wurtini nden wanningol jude sendanni tefoobe habaruuji ngol famtini duuw nauniibe boi do walli ha nder nyaundorde fere fere ha fada lamorde leddi FCT Abuja bawo nde motawa ngan fetti be nyebbam duddam ha nder maga.
A BELLO.
