Ministaajo fiiji cheede leddi Najeeriya, Wale Edun, lori tabitini anniya ngomnati mobgal leddi haro bantuuki daraja risku leddi ema wangingo laabi di wautata billaji ko risku leddindi wontindiri ngam heba no waddira jahol yesso kimminiingol ha leddindi.
Ministaajo on wolwi bannin mai on nyande salasa do nde o wadiino gidaal be koreejo Ardiido leddi Senator Oluremi Tinubu. Ha fada ngomnati leddindi wonde Abuja ha o tabitini koreejo Ardiido leddi duuw risku leddindi do heba jahol yesso ema banteego nder dubi ga’endo ngammai tammunde do ha ngomnati do duuw kujeji tammi hoituugo.
Ha fahin ministaajo on andini koreejo Ardiido leddi duuw hukkuma makko je fiiji cheede do taskiita waduugo jude famtotiral ema gidal nafoowal be bankiiru Afreximbank, hakkunde nyande nogas e nayi yahuugo nogas e jedidi leuru June warata do ngam be anda jabruude de handi tokke.
A BELLO
