Ballo ngomnaajo Jihawol Adamawa , Professor Kaletapwa Farauta, usi yetti ngomati Lesdi Saudi Arabia dow ko laarani mballa dum be walli Jihakan bee nyaamannde ko be hokki Himbe ko hewtani 2,450.
Wakkati ballo ngomnaajo, Farauta metanno O wi mballakan wallan ummaatoore sanne ustananbe yangadaaji musamman der Lewru Suumaye.
Debboojo on tefri walliinde bee jawdum toni ha niiman hebaama ngam hurga gannudi futtooje.
Lesdi Saudi Arabia hokki mballakan hedijuude nokkuure mballa ardiido mallabo lamdo Salman Humanitarian Aid and Relief Centre,
Taskaramka husitani sendiigu yaaki famda sembe’en enanta relliibe nokkuuje mabbe maabo hijirbe (IDPs), hawtaade bee suddiibe’e be walaa baaba.
Sendiigu mballakan hawti koppi bee hukuuma hakkilanta shaanu mballa njawka ka NEMA ngam wallita tiinaare walloobe be kawte Lesde yaasi.
Be sendi walliinde nden haa sangeere hijirbe nde Damare haa Galluure Girei nder Jihakan ko nden on hooreejo NEMA, Mrs. Zubaida Umar, usi yetti ngomnati Lesdi Saudi Arabia bee walliinde mabbe dum be hokkata Lesdi Naajeeriya.
Mr, Yusuf Abdulkarim kanyum on ardi wakiili’en ben wi ngomnati Lesdi saudia do dari darnde sottoowo ngam yiiki be walli yidiibe nballa haa Lesdi Naajeeriya.
SADIQ ALFA
