Faada laamu ardungal Lesdi Naajeeriya (FEC) yerdi bee hokkol cede ko hewtani N679b, biliyonji musamman ngam kuude Laabi 13 nder Lesdi Naajeeriya.
Yerduye man wadaama on ngam timmitinki kuude Laabi kiddi enanta huuwuki kesi bee cede ko heba.
Ministaajo m hakkilnta shaanu golle nder Lesdi Naajeeriya, David Umahi labbinika nde O haari nyami kubaru’en bawti giidal mabbe bee Ardiido Lesdi Naajeeriya O wi Tinubu sattini dow be timmitina kuude kidde bwee Law nder Lesdi Naajeeriya.
Nder kuude de yerdaama woodi, Alkalari-Ukuk haa Jihawol Bauchi hokkaama Lebbi 6 dow cede ko hewtani N11.278 billionji.
Bee Uturu-Isikwato-Akara laawol nder Jihawol Abia dow ceede N5.926 billionji.
Nder kuude kesum ko hokka hawti bee Zaria Ukui yaaki Kolomani, Dan Bali, Maraba, Kanya, Subawa, Kasa nder Jihawol Kaduna enata Katsina.
Kuude laabidin hokkaama dow Ceede ko hewtani N198 billionji hokkaama kampaniwa MotherCat Nigeria Limited Lebbi 36-month be timmini kuude mabbe.
Kadima kuude laawoll iga jihawol Kano yaaki Maiduguri hokkaama, neebaydo on be jabtino haa juude kampaniwa Dantata Sowo.
Haa jihawol kebbi ma hokkaama ceede ko hewtani N2.645 billionji ngam kuude buwaangal yaaki Bagudo, Kadima Obanewi-Arisizogu-Okiwe laawo haa Jihol Imo enanta Anambra hokkaama.
Haaragare ministaajo on Umahi lamsika bee anndinki FEC dow be hokki umroore bee jawdum ngam cede den hokkaama hutinire hedi laabi kanndudi.
SADIQ ALFA
