Ardiido leddi Najeeriya Bola Ahmed Tinubu wanni Professor Babafemi Badejo, barka be heutuuki dubi shappan e jewedidi ha duniyaaru mo latakeno wakiliijo leddi Najeeriya ha majalissa mobgal lesde duniyaaru ko salli nden goddo on mo leddindin acchataako botorgo be wallinde makko.
Tinubu lori wanni iyallu ndottiijo on barka be hebuugo goddo jottudo haaje ha nder lenyol mabbe, o tindini Professor Badejo duuw goddo on mardo risku hebi nasaraaku ha fiiji fere fere ha ngurdam makko o huwanni Najeeriya hedi gebe dudde nden o walliti bo ha waddango leddindin jonde jam e kautal hore ummatoore.
Tinubu wii do numta be kude kimminiide de on mai we’iti ha leddindi ngam o latakeno mallumjo mo fukaraabe dudbe jangi ha yesso mum hebi andal tilimngal ngal ha jonta bibbe leddindin do botira be mangal.
A BELLO
