Bawo dubi didi ko duum jabtiri laamu ha leddi Gabon jontanni Ardiido leddindin mo latake do doggina ardungal lamu soja ha leddindin, Brice Oligui Nguema, wurti andini duniyaaru duuw hanko fu o wurtan o dabbita supteego ha chuubi Ardiido leddi di tammete doggineego nder leuru April waratado.
Daga ko o jabti lamu ha jude Ardiido leddindin boimajo Ali Bongo ha ndet hitande ujune didi e nogas e tati , Nguema efti alkawal wartirgo leddindin ha duuw lamu siyasa ngammai wakkti wari jonta nde hanko ma o wutata o dabbita supteego korowal Ardiido leddi hedi lamu siyasa.
Nguema famtini bannin on nyande altine salunde nde o hallidanno be tefoobe habaruuji hautade be marbe jude ha jamdiyya ka o yidi wutugo ha maga ha giifa Libreville, fada lamorde leddindin o yonitiri ummatoore leddindin no footi duuw wurta hokkamo bawal bawo suptamo.
A BELLO
