Ngomnati leddi Kenya wii ho’an jabruude kanduude ha duuw keri leddi mum musamman hakkunde leddindin be leddi Ethiopia bawo nde fitinaaji kabe ummi hakkunde ngawoobe leddi Kenya man be ngawoobe wurtiibe daga leddi Ethiopian ha mayo fere wi’etengo Omo River, duum wadi asar yonki himbe dudbe nden wobbe bo majji ha jonta hebtaka.
Ummatoore jodiibe ha giifa Turkana nder leddi Kenya be jodiibe ha giifa Dassanech nde leddi Ethiopia, be pat mabbe be latake ngawoobe leddi nden bedo keba risku na wanyo ha nukkuuje den kanju wadi wakkati fere be kebata soinde famtitiral ha ya warta fitina kabe.
Ministaajo fiiji nder sare leddi Kenyan Kipchumba Murkomen nde hallidanno be tefoobe habruuji wii bedo ko’a jabruude kanduude de waddata ragare fitinaaji din jonde woore ngam jontani be fuddi wolduugo be hukkuuaji leddi Ethiopia.
A BELLO
