Tubaljo majalissa wakili’en leddi Najeeriya , Mr. Abbas Tajudeen sendi kare sumayye faago mallum’en jangirle primary ko dillanta 1,833 ha giifa Zaria nder jiha , Kaduna ha ngam himbe suborder makko botora be wallinde nden nden fahin doggina sumaije leuru Ramadan be majje bana no mara haje.
Ha fahinni tubaljo majalissa kan lori sendi macinji wa’ugo mardi kosde didi ko dillanta 116 faago hore’en jangirle primary man watau headmaster’en ema /headmistresse’en ngam heba kambe bo be mballotira be mai ha yahuugo nukkuje kude mabbe nder wakkati.
O efti alkawal loruugo senda kare nandude be de mai faago luttube mallum’en be latake kebai ha sendiigu jonta do ha fahinni o lori owii o beddan hokkugo wallinde ha duuw fiiji andal ha giifa suborder makko ngam yiigo andal tilimngal hebama bana no mara haje.
A BELLO
