Ballo ardiido Lesdi Naajeeriya Kashim Shettima, besdi tabitinki ummaatoore Lesdi Naajeeriya dow Ardungal Bola Ahmed Tinubu do dari darnde haro yiiki laabi janngirde bacci sembidinaama nder Lesdi Naajeeriya.
Non wadi Ardiido on tefri marbe sembe rufayontaaku hedi shaanu janngirde ngam janngirde man boosa.
Ballo ardiido on suuditi haalakan nyennde Alarba wakkati be wadanno lama umtuki no janngirde hebiri jahargal yeeso hedi laabi daldal maatootiral anndira digital learning devices ‘e tuurankoore haa janngirde Government Science Secondary School, Maitama, Abuja, laamorde Lesdi Naajeeriya..
VP Shettima wi fakat toni ha hakkiilo hooranan janngirde nden nde jamanu waddi dum hunnde on ko waddata jahargal yeeso nder duuniyaaru fu.
Haa janngirde nden be sendani fukaaraabe Are kuutinirteedun bana compuutaaji pamari ‘eko nanndi ‘enon ko hewtani 4,600 dum campaniwa MTN waddi.
Kadima O wi tinubu mani tiinaaje MTN bee hooreejo jaburuwa ngan , Dr Ernest Ndukwe, bee wiiki O jaaraama.”
Ballo ardiido Kadima mani tiinaaje Ardiibe janngirde nden nde Government Science Secondary School, Maitama, bee kabdal mabbe ‘e taskaramka.
Hooreejo MTN, Dr Ndukwe, wi lamarkan waddan kuude jahargal yeeso sanne nder Lesdi Naajeeriya ngam toni haa niiman hebaama haa Lesdi ndin no foti janngirde hoytan sanne nden moyefu bo janngan.
SADIQ ALFA
