Hooreejo golloobe nder Lesdi Naajeeriya, Mrs. Didi Esther Walson-Jack, mani tiinaaji ngomnati kawtal Lesdi Naajeeriya bee kabdal musamman hedi ko laarani seewaaku ‘e golle nyawndiigu nder Lesdi Naajeeriya
Mrs. Walson-Jack suuditi haalakan wakkati be hokkanno haatimmeeri manoore hedi ko laarani seewaaku dum hukuuma hakkilanta shaanu siiwaaku taski haa Abuja laamorde Lesdi Naajeeriya hukuumawa ngan hokkimo haatimmeere nden ngam wooduki ‘e tiinaare haa Ardungal maako iga ko O laati hooreejo golle ngomnat Lesdi Naajeeriya.
O besdika bee wiiki haro tiinaaje ngomnati Lesdi Naajeeriya wangini laabi kewdi ko wallata hedi laabi seewaaku ‘e shaanu njamu haa golle mabbe nden hurgi gannudi dibe ngontiri bo.
Nder taskaramji din kesi be omti ofisji ban, Environmental Health Officers, Public Health Officers, Sanitation Officers, Environmental Scientists, enanta Technologists, be fu beedo be gollanan jihaaji enanta moobgal Lesdi fu
Haaragare O mani tiinaaje kastaabe ben bee huuwuki jemma’e Naange ngam yiiki kuude den hebi jahargal yeeso.
SADIQ ALFA
