Horeejo tokkal fijoobe ball kosde ngal of Solution FC, Chukwuma Ezeamama yonitiri chie shakkol habaruuji duuw hokka be bawal bawo ema kubbirle jodidi jonde koe maaje nder leddindi duuw wallita tokkal mabbe ngal fijanta jiha Anambra heba no tokkal man heba nasaraaku nyamuugo kofiiru leddi Najeriya ndu Nigeria Premier Football League (NPFL).
Ezeamama wadi yoandu ndun on ha wakkati nde be ngadanno gidaal hakkunde hukuuma tokkal mabbe ngal Solusion FC be wakili’en ngomnati jiha Anambra wonbe hedi yebre pijirle duum doggina ha Awka fada lamorde jiha kan nyande salasa do.
O wii tokkal mabbe do marri tinaare masin be fijoobe marbe kajal ngammai handi ngomnati be ummatoore wuro fu haura jude wallita tokkal do bana no mara haaje.
