Ngomnaajo jiha Gombe Mohammadu Inwa Yahya manni Ardiido leddi Najeeriya Bola Ahmed Tunubu be yerdango jangirde eltol mallum’en jiha Gombe doggina jangungo fannuji fere bardi daraja duum jami’are nden hebaino bososel jangun go ha marre daga ko nde fuddi kude janguungo fukarabe ha marre.
Ngomnaajo on wadi manore nden on ha wakkati nde o jabbanno horeejo jami’are jiha Gombe nde waddininomo ngilla teddinki ha office ru makko wondu ha sare ngomnati jiha ha Gombe o anidi duuw wangingo fannuji digiri ha jangirde eltol mallum’en waddan jahol yesso masin laruugo dudbe nder mallum’en man ngola andal digiri majum amma jonta wakkati wadi nde be fuddata jangugo.
O yetti ministaajo andal leddindi hautande be Ardiido leddindi be waduugo jude ema hunduko fu ha yotti jangirde eltol mallum’en nde jiha makko yerdanama dogging taskaramji jangungo digiri ha marre.
A BELLO
