Hukuuma hakkilinoowa hasaruuji duuw buwalle leddindi nga FRSC wii ho’an jabruude ko handi kanfu ngam faddago himbe leddindi daga hasaruuji mettudi, ha fahin be hitaan kala nangiraado be aibe soinde tokkugo didadi laabi fu musamman dereba’en be ngola hore ko numu ha wakkati nde be mba’ata duuw laabi maudi ha leddini.
Horeejo hukuuma kan on famtini bannin mai ha wakkati nde o hallidanno be tefoobe habaruuji ha Abuja fada lamorde leddi nde be andinanno dudal hasaruuji di fe’ata ha leddindi jonta sababu dudal dongle ema bargal nyiddungal je dereba’en ngadata hautande be jahalle nder dedeli Jemma.
O wii o ruffan jamiyi’en mabbe ko toye ha duuw buwalle leddindi ngam yiigo be ngadi gite ha buwalle maude musamman nukkuje je motaajo boftotoji nyemma petroljam salata laruugo wakkati fere motaaji maudidin on njayata hasaruuji nyidddudi ha nder leddindi.
A BELLO
