Ha duuw tinaare fesinki jairi hiite lamtarki ha nder leddi Najeeriya commitiru majalissa ndotti’en ndu hakkilinta yaake hite lamtarki yeutidi be leddi Koriya fombinankere ngam hebina leddindin fesaare hiite ngen bana no mara haje heba billaji soinde hiite warta tariha ha leddindin no footi.
Senatooojo ngurtiido daga jiha Abia fombinankere ha sare majalissa ndotti’en leddindi Senator Enyinnaya Abaribe on waddi hala kan ha yesso majalissa mai ha wakkati nde be ngadini jonde mabbe nyande altine do.
Senator Abaribe beddi wiigo toni Najeeriya yidi wurta nder nyimre nden heba hite darnuuge to ngammai warti dole leddindin haura jude be ngomnati leddi koriya fombinankere no waddira kare kutinirtede jamanu togga kotoi heba no hite butira.
A BELLO
