Ardiido Lesdi Naajeeriya Bola Ahmed Tinubu wadani Ambassador Bankole Adeoye barka nde be lorti be subima hooreejo haa shaanu siyaasaaku,joonde jam enanta rento haa kawte Lesde Africa (AU)
Ardiido on suuditi haalakan haa daldal matootiral maako ngal X handle, @officialABAT,nyennde Alarba bee wiiki ardungal ciimaajo on baymaajo boddum sanne ngam O woodi goongaaku ‘e habdanki joonde jam fodde bawde maako haa bakkeeje den.
Ciimaajo hebi nasaraaku lortuki korowal maako bee kuriyaaji 46 nder 47 subiibe haa nokkuure nden.
Tinubu wi nasaraaku ngun naa jee ciimaajo on tan dum nasaraaku on jee ummaatoore Lesdi Naajeeriya fu enanta Lesde Africa fu.
Ardiido Lesdi Naajeeriya besdika bee wiiki Lesdi Naajeeriya do dari darnde sottoowo dow ko laarani jaande jam ‘e kuude jahargal yesso haa bakkeeje den no foti hawtaade bee kawtal koppe ‘e Lesde keddiraade ngam jahargal yeeso hebe no haandi.
Haa ragare O tabitini Ardungal ciimaajo on Bankole hurgan gannudi sanne haa bakkeeje Lesde Africa.
SADIQ ALFA
