Tubaljo majalissa wakili’en leddi Najeeriya Mr. Abbas Tajudeen wii majalissa kan bedda dogging kude de wallititta taskaramji bantuugo daraja risku leddi ema hokkugo Ardiido leddi Bola Ahmed Tinubu, bawaal bawo heba no leddi Najeeriya beddira hebuugo cheede nastooje.
Abbas, famtini bannin on ha wakkati nde o jabbanno kudangu wakili’en ema ardiibe kautaal filoobe ngal jiha Lagos andiraabe be Lagos Chamber of Commerce and Industry (LCCI) ha office ru makko wundu Abuja.
O wii majalissa sappoowa do habda masin ngam yiigo be sembidini yaake filuuji ha leddindi ema hauruugo jude be lesde fere ngam sembidina filuuji hakkunde Najeeriya be lesde njahuude yesso ha nder duniyaaru.
Tubaljo on manni kautaal mabbe be tinaare we’tikki laabi fillu ema dabbutuggo cheede ha leddindi.
A BELLO
