Ardiido leddi Najeeriya Bola Tinubu Ardi jonde majalissa dogginirgaal kude ngomnati mobgal leddi nyande salasa do ha fada ngomnati wonde Abuja ngam lartuugo ko leddindin wontindiri hautande be ho’ugo jabrude kandude ha wautuugo billaji ko leddi wontindiri.
Jonde mabbe nyande salasa do fuddaka be lau ha yahuugo jamdi gotel be reta naage, ha wakkatire nden on mbo Ardiido leddi yotti nukkure nden bakko jonde nden fudde, nden jonde nden on latake didabre ha nder ndubu do.
Nde o hallidanno be tefoobe habaruuji tippungel bawo jonde nden ministaajo fiiji shakol habaruuji e tindinol ummatore , Mohammed Idris, famtini duuw be dauri lorugo wada jonde man nyande salasa on ngam heba be timmitina ngeutaaji di yeutaaka ha jonde salunde.
Idris andini duuw be habdi bo be timmini ngeutaaji mabbe mai fu bana no mara haaje.
A BELLO
