Ministaajo hakkilinoowo yaake risku leddi Najeeriya , Senator Abubakar Atiku Bagudu, holli anniyaaji ngomnati leddindi ha fesinki andal bibbe robe hautande be hokkugo wallinde dunde ha ko bantata daraja andaal bibbe robe.
Bagudu wii ngomnati wurtinana cheede keide de be naftirta be maaje ha hebango bibbe robe andal tilimngal hautande be ikkitinki be sana’aji jude fu jonde woore heba be lata wadoobe larasi be koe mabbe.
Ha hauritirde maunder nde doggina duuw hala wallutuggo jangirle bibbe robe, ministaajo on holli bote wautugo kala billaji duum bibbe robe wontindiri fun gam heba waddabe ha kombi ngomnati nden hakkilina hake mabbe be botinki be andal tilimngal.
O wii be hauran jude be hukuuma hokkowaal andal aranal ka UBE ngam sembidina yake andal no foti ha leddindi.
A BELLO
