Ministaajo mo Tayre laamorde FCT Abuja Mr Nyesom Wike wi Ardiido Lesdi Naajeeriya Bola Tinubu majjini cede ko buranta N89.2 billionji nayraaje cede Lesdi Naajeeriya dowko laarani nyibaali baruye enanta janngirde haa galluure Bwari Abuja.
Ministaajo on suuditi ka wakkati O yaano omtuki buwaangal ko hewtani kilomiitaaje 5 hakkunde Gaba enanta Tokulo ha nyennde jumbaare.
Wike wi cede den majjinaa nder Lebbi 12 caaliidi.
Kadima O labbinika bee wiiki billionji N7 majjinaama haa laawol Gaba – Tokulo, nden billionji N27 majjinaama ha Laawol Dutse yaaki Bwari.
Ministaajo on limiti sanne mo majjiniri cede den billionji N28 Ushafa yaaki War College nden bilionji N27 majjinaama haa nyibol janngirde nder Galluure Bwari.
Bana Government Girls Secondary School, Dutse, Government Secondary School (GSS), Bwari, enanta GSS Ushafa, GSS Dei Dei, GSS Kubwa, GSS Jibi.
Wike besdika bee wiki ummaatoore nokkuure nden tefi be besdanabe nokkuure rento bana gollirde Police’en O wiibe be heban dooko Lewru May garoojum to jam ngam tabitinki rento haa bakkeeje den,
Duudka mbelka wike yecci ummaatoore nden be taskanibe nder hetaande 2025 ko heewi Alkawal wadanki be .
Ministaajo on hebi doftoobe masin nder mabbe woodi ballo maako mo jiha Dr Mariya Mahmou kanyumma wi Tinubu taskani gollanki FCT no bernde yidi.
SADIQ ALFA
