Ballo ardiido Lesdi Naajeeriya Kashim Shettima warti Lesdi Naajeeriya bawti ngilla maako ka giidal ko laarani sembidinki kilantaaji riskuuji dum hitaande 2025 (WEF) jee Lsde Duuniyaaru moobi haa Davos, Switzerland.
Ballo ardiido on luutani Lesdi Naajeeriya haa giidal dum O meti duudka ko waddata jahargal yeeso Lesdi Naajeeriya nder man woodi haala rufayontaaku’e feesenki luumooku hakkunde Lesde ‘e Lesde wala jomrgol.
Kadima shetima omti taskaram kimminiika bee bankiiru kuude jahargal yeeso Lesde Afrika (AfDB) bee WEFngam walla Lesdi Naajeeriya.
Haa nokkuure kabbidal ngal ardiibe bana Ardiido Lesdi Botswana, Duma Boko,bee mo Lesdi Afrika Fombinaari, Cyril Ramaphosa, bee VP Shettima mo Lesdi Naajeeriya fu tawaama haaton be kawti narral caatudum ngam jahargal yeeso Lesde mabbe.
Kadima wakkere feerebo O habbidi bee hooreejo mo hakkilanta shaanu luumooku nga Duniyaaru fu (WTO), Ngozi Okonjo-Iweala, hawtaade bee ardiido mo kilantaaji riskuuji Lesde Duuniyaaru fu Borge Brende , fuuni ngam hurga gannudi ko nanndi bana shaanu kubbirle,rento,nyaamannde,’e luttudum.
SADIQ ALFA
