Leddi Najeeriya wadi jude ngerdotoraal kude be hukuumaaji lesde yaasi ngam banta daraje risku marri hautande be sembidinki yaake njamum bibbe adama’en heba wauta billaji mayarle robe ha wakkati daingool.
Ministaajo fiiji njamu leddi Najeeriya, Prof Muhammad Ali Pate on wadi jude ha duuw dereeji ngerdotiraal majuum duuw darnde Directaajo maudo mo hukuuma hakkilinowa risku duniyaaru, ndenbmo o wadi jude den on duuw darnde duniyaaru no footi.
Bawo nde o timmini wadugo jude den ha lamar ka doggina Davos, fada lamorde leddi Switzerland, Prof Pate beddi wiigo ngerdotiral mai wallitaan lesde Najeeriya masin hedi sembidinki yaake njamu himbe hautande be ho’ugo jabruude faddoje dudaal manyarle robe ha wakkati danyuugo.
O yetti hukkumaaji lesde duniyaru be hokkugo bawal bawo mabbe faago hebuugo nasaraaku kaute kude den bana no mara haaje.
A BELLO
