Ballo Ardiido leddi Najeeriya Kashim Shettima famtini duuw leddi Najeeriya do taskiti waddugo dereke’en dudbe wallitoobe ha rufaago jarful duuw fiiji andaal, siyaasa, ndemri ema fiiji matotiraal jamanu ngam heba walla ha wautuugo billaji maudi di duniyaaru yidata be mum jonta.
Shettima andini duuw dereke’en lesde Africa do marri basira ema andal ngal wallititta duniyaaru wurta nder billaji soinde rento ema billaji soinde risku.
O wolwi bannin mai on ha wakkati nde be doggi nanno moftorde maunder nde risku duniyaaru duum dogginte jonta ha Davos, fada lamorde leddi Switzerland, Shettima famtini duuw seko wola waduugo be dereke’en kanju on waddanta lesde ummutooje jahol yesso ema hebuugo laabi bantugo daraja risku duniyaaru.
Ballo Ardiido leddi Najeeriya mai ni fodi hakkilo lesde duniyaaru duuw yolla dereke’en ha duuw laabi demeterle, laabi matotiraal ngal jamanu hautade be hebango be kare kutinirtede jamanu ngam hoikitina be kude.
A BELLO
