Hukuuma hakkilanta shaanu Rewbe haa Ngomnati Jihawol Katsina elti rewbe ko buranta 34 musamman ko laarani jabuki Danyol dum Aadi ndonndonu (TBAs) fu ngam hurguki gannudi sooyuki yonki wakkati daygol.
Comishinaajo mo hukuumawa ngan, Hajiya Zainab Musa-Musawa,kanyum on suuditika wakkati elto ngon dogginte haa Jihakan nyennde Alarba
Debboojo on wi elto ngon nafan sane haro hurguki gannudi din haa giifakan.
Musa-Musawa sappi bee wiki hurguki gannudi din do nder teddudi kuude hukuumawa ngan.
Comishinaajo on wi woodi laabi kewdi di be taski musamman nafooji ko waytinta ko’e ummaatoore dow haalakan nder man woodi shaanuujangirde.
Nden bo be besdan kawtal kopi bee hukuumaaji’e mooble godde ngam be heba jahargal yeeso sane hedi shaanu njamu haa nder Jihakan nofoti.
Non kadima komishinaajo shaanu njamu tawaado haa ton, Dr Bishir Saulawa, wi hukuumawa ngan jinni darned sane ngam yiiki be wadi fodde bawde mabbe ko laarani sooyol yonki ngam sandu daygol.
SADIQ ALFA
