Ardiido Lesdi Naajeeriya, Bola Ahmed Tinubu om taskaram ko laarani nyibuki Ci’e ko hewtani 3,112 haa Karsana nder tayre laamorde Lesdi Naajeeriya.
Taskaramka wadaama on iga ragare Lewru December 2023 hakkunde hukuuma hakkilanta shaanu nyibaali enanta kampaniwa nga Continental Civil and General Construction Limited and Ceezali Limited dow be nyian Ci’e ko hewtani 100,000 nder Lesdi Naajeeriya no foti.
Be fuddan bee Ci’e ujineeje 20,000 haa FCT, 3,112 units nyibete haa Karsana.
Be sappi bee wiiki niiman do do nder taskaramji kuude hesditinki Lesdi Naajeeriya bananta Ardiido Bola Ahmed Tinubu sappi.
Ministaajo mo hakkilamta shaanu nyibaali, Ahmed Musa Dangiwa besdika bee wiiki be nyiban Ci’e haa labbaaje enanta galluuje ci’e cembidde ngam wadduki jahargal yeeso Lesdi Naajeeriya.
O besdika bee anndinki on yo dow fa kuude huuwete on bee kawtal koppi hakkunde hukuumawa ngan bee nyiboobe be luumo jarfuuji hawtaade (FMBN), bee (NHF) haro nyibuki Ci’e den.
Ci’e den fuddete bee jawdum haa nokkuuje bana Ibeju-Lekki Coastal City, Lagos, bee Ci’e 500bee Kano nden 250 nyibete haa Jihaaji 12 nder woodi Ogun, Oyo, Akwa Ibom, Delta, Abia, Ebonyi, Nasarawa, Benue, Yobe, Gombe, Katsina enanta Sokoto.
SADIQ ALFA
