Ardiido leddi Najeeriya Bola Ahmed Tinubu manni horeeejo bankiiru jahol yesso lesde Africa nga AFDB Adesina be dogginki kude kimminiide ha kude bankiiru ndun, duum o holli horeejo bankiiru ndun ha jamanu makko o waddi jahol yesso ko wola kerool ngam kala billaji ko yideteno fu jonta warti tariha.
O famtini duuw Adesina banti daraja bankiiru ndun ha wakkatiire sedda ko o fuddi kude ha marru, nden mbo ndu do hokka nyamalle boi faago filotoobe ema remoobe nden fakat cheede den do beddana filoobe ben jahol yesso ha kude filuuji mabbe.
Tinubu tabitrini duuw bankiiru jahol yesso lesde Africa do marri himmidinarre ko wola kerool ha wallutuugo lesde famaede de ngola sembe hebango ko’e majje cheede keide de be ndogiinirta kudeeji mabbe de hande ejango.
Ngammai on wadi o yonitiri bankiiru ndun duuw be waduugo tinaaje wanginki laabi wallinde fere fere ngam ustina himbe lesde Africa torra ka yidete br mum jonta.
A BELLO
