Ardiido Lesdi Najeeriya Bola Tinubu numti boddi ardiido haa Lesdi Naajeeriya, Chief Obafemi Awolowo.
Haalakan wolwaama on nyennde Alarba haa nokkuure seyo lamar numtuki’e hokkol haatimmeere manoore jee 2024 Obafemi Awolowo Prize for Leadership haa Gasol Lagos,
Ko nden Tinubu tinndini bobbi ndottiijo on bee manooje’e yettoore sane musamman ngam tiidanki Lesdi Naajeeriya.
Waduki lamarkan tokki laabi kanndudi ko hawti bee darajaaji di O hebi haa Lesde yaasi fu dooko taskana lamarkan .
Ballo Ardiido Lesdi Naajeeriya Kashim Shettima kanyum on luutani Ardiido Tinubu haa ton wiido fakat Chief Awolowo janngini nden huuwi boddi haa Lesdi Naajeeriya enanta luttude Lesde Duuniyaaru fu.
Kadima O wadani hooreejo bankiiru jahargal yeeso kuude haa Lesde Africa (AfDB), Dr. Akinwunmi Adeṣina, barka bee tiinaare maako sane ha ko laarani lamarkan enanta manoore musamman bee bayli Ko’o waddi haa yebre nden.
Adesina hebi no nasaraaku haatimmeere nden nder hitaande 2023 ndeO warino nayabo bawti, Wole Soyinka; , Thabo Mbeki,hawtaade bee , Chief Afe Babalola.
Dr Adesina meti duudka ko Awolowo wadi O nder man woodi ko laarani shaanu njamu,janngirde,nyibaali’e ko nanndi’enon.
SADIQ ALFA
