Ha nder ngodka fere bo Ardiido leddi Najeeriya Bola Ahmed Tinubu umri be yauna yobuugo cheede hite lamtarki ha fada Ardiido leddi je hukuuma sendowa hite lamtarki leddindi tokkata sare ngomnati fada Ardiido leddi wonde Abuja. Duum kampaniwa sendowa hite ga Abuja Electricity Distribution Company wii nedi cheede mabbe yobaaka.
Ardiido leddi hokki umrore nden on bawo nde wakili’en kampaniwa AEDC wadi gidal nebngal be horre’en yebre hite lamtarki ha fada Ardiido leddi nyande salasa do tippungel nde AEDC mai hollino ta’an hite fada Ardiido leddi sababu soinde yobaago be cheede mabbe.
Ha babaruuwol ngol bolinowo kampaniwa AEDC wurtini do holla duuw kampaniwa ngan do tokka fada Ardiido ledde cheede hite lamtarki ko dillanta naira million N342, 352, 217.46, je ko kampaniwa mai wii nebi fada Ardiido leddi acchi hokkugo cheede hite sare nden.
Bawo gidal ngal on horeejo huwobe ha fada Ardiido leddi , Rt Hon. Femi Gbajabiamila, hokki kampaniwa AEDC tabutuye duuw nebatado fada Ardiido leddi wurtinan cheede mabbe hokkitabe ngammai be hokkabe wakkati sedda.
A BELLO
