Ardiido leddi Najeeriya Bola Ahmed Tinubu manni tokkal fijanoobe leddi Najeeriya ball kosde ngal Super Eagles be tinaare nde be ngadi ha pijirle nyamugo kofiiru nahiya Africa duum timmina nder balde de hautande be darango leddi mabbe fadda neddaku marri ha gite duniyaaru.
Ha fahinni Ardiido on lori hellani tokkal ngal be hollugo sattugo jokke ha nder pijirle den dumm o holli hokkibe nasaraaku yottugo ha yaire nde be njotti mai ngammai be hadanni samdineeki ema teddineeki be teddinooje maude.
Ardiido leddi wolwi bannin mai on ha wakkati nde ngomnati mobgal leddi taskitini fijoobe ben liyaafa teddineeki ha sare ngomnati wonde Abuja nyande salasa do o wii pijirle do wadda kautal hore ema famtotiral lamngal hakkunde bibbe leddi, ha fahin do bedda narral be endam mardam hairu ko beddata waddango ummatore jahol yesso kimminingol.
A BELLO
