Ministaajo fiiji shakkol habaruuji e finditinol ummatore leddi Najeeriya, Mohammed Idris, yonitiri ngomna’en jamdiyya lauliraaha ka PDP duuw be wolwa bolle bodde duuw leddindi be accha fodugo Najeeriya be lesde sankitide nder duniyaaru, nden fahin be wallita no leddindin hebirta wauta billaji soinde risku ko yidete be mai jonta do.
Nyande altine salunde on ngmna’en jamdiyya PDP wadi gidal hakkunde mabbe ha be holli risku leddindi wati nden fahin be fondi Najeriya be leddi Venezuela, leddi kabdudni be soinde risku ema nawugo kare ha lube be wello kallungo duum ministaajo on wii bolle siyasa on tan waddata bannin.
Ha habaruuwol ngol ministaajo fiiji shakkol habaruuji e finditinol ummatore leddindi, Mohammad Idris wurtini o yeddi bolle de ngomna’en ben wolwi, Idris beddi wiigo risku leddi Najeeria do wodi be sadirmaaji ko yidete do pat Najeeriya do habda nyamna hore mum nden do yoba jubdi albasi hama do wallita lesde luttude nder duniyaru do,
A BELLO
