Police’en dogginoobe rento honaago kude kallude ha jiha Anambra nangi horeere’en fasobe be balmi kallludi ha gifa hukuma pamara Ihiala nder jihakan ha fahin police’en ben kebi nasaraku jabtugo balmi nyaddi ha jude fasobe’ben di hauri be bindingaru, AK-47 eko nandi e majji.
Ha dirsande musammanre nde police’en ben njari ha gifa hukuma pamara Ihiala bana no commissionaajo police’en jihakan, Mr Aderemi Adeoye, famtini tefoobe habaruuji ha Uka o andini duuw police’en ben naangi Chitana Oha, mardo duubi 25 gorko ha arnyande nden.
Habaruuwol wannangol jude bolinowo police’en jihakan Mr Tochukwu Ikenga wurtini nyande altine do ha Awka suditi duuw be lori be hebi nasaraaku nangugo bietodo Emmanuel Ifeanyi Okonkwo, mardo duubi 24 nanyumma gorko.
Mr Ikenga beddi wiigo nangabe ben pat tamndama on ha nyukkunde mabbe nder njungore ha be wowi lappugo wujja himbe nden fasabe jabta jaule ha jude ummatore judibe gifakan.nden o famtini tobe timmini lincutuggo be ni be yaranbe hitordu.
A BELLO
