Jonde beddol andal nyelde juwi fuddama ha Lafiya fada lamorde jiha Nasarawa ngam eltaago mallum’en jangirle primary ema lttude jangirdeeji ha jihakan less ardungal hukuma hakkilinowa andal goppal aranal jihakan watau BESDA,
Jonde beddol andal mai kanju on aran bana mangal media doggineego ha jihakan basna no marbe jude ha fiiji andal jihakan famtini tefobe habaruuji tippungel bawo nde hukuma fiiji andal jihakan umti jonde nden, ha be holli jonde den beddinan mallum’en dabareeji kessi di wallititta be ha hebango ummutobe andal tilimngal nder jihakan.
Hukuuma hakkilinowa andal goppal aranal jihakan on taskiti jonde nden ngam haura hore be lamorde hukuuma kan je ngomnati mobgal leddi elta mallum’en ngam be beddine ande jamanu.
Nde o umtanno jonde nden ha Lafiya fada lamorde jihakan Horeejo hukuma hakkilinowa goppal aandal aranal ha jihakan, Hon. Muhammad Dan’azimi, wii jonden taskitama on ngam wadda baili ema jahol yesso ha yebre andal heba fahin wallita ha batugo daraja mallum’en ema hebango be kare kutinirtede jamanu.
A BELLO
