Ngomnati mobgaal leddi Najeeriya andini duuw be fuddi woldugo be ngomnati leddi America ngam linchitikki sababu do’ere pirowal do’ingal ha California nyande jumbare salunde ha mbari Directaajo maudo mo bankiru Access Bank ha leddindi ema luttube mayibe ha pirowal mai.
Do mai bo warri on bawo nde ngomnati leddi Amarica mai wii be yidi be widita babe dudde nder leddi mabbe hautande be linchituggo layobe pirooje luttube ha be marbe jude ha fiiji jippol ema ummul pirooje leddindi ngam heba be anda sababu yibbul pirowal ngal do’I nyande jumbare salunde.
Horeejo bankiru Access Wigwe; koreejo makko, Doreen; be bingel makko , Chizi; be Horeejo hukuma hakkilinowa rufoobe jarful ha babe liluuji ngomnati boimajo, Abimola Ogunbanjo, pat mainama ha do’ere pirowal mai marngal ende Airbus Helicopter EC130B4 ngal do’I onbo hakkunde jiha California be jiha Nevada wadi sanadu mayuki himbe njewego ha be luttube hoaabe kude kessum.
A BELLO
