Koreejo Ardiido leddi Najeeriya, Mrs. Oluremi Tinubu tabinini Najeeriya en duuw sadirmaaji di bibbe leddindi yidata be mum jonta do odo andi Ardiido leddi Bola Tinubu. Wautan duum nder wakkati sedda to Allah munyi.
Koreejo Ardiido leddi hokki tabutuye nden on ha kano nder gifa woila woladu hirna leddi Najeeriya nde o yillino sufakaare fada Lando Kano, Alhaji Aminu Ado Bayero nyande altine do.
Olutremi Tinubu yahi jiha kano on ngam umtugo fannure jangugo fiiji shariya ha jami’are Maryam Abacha American University wonde kano, o yecchi lamdo on goriiko do andi be ko himbe wontindiri ha leddindi nden boo do habda fodde sembe makko ngam yigo o waddi ragare billaji soinde risku leddi ko yidete be mai jonta do.
O tindini leddi kano duuw nukkure on marnde barkaaji lumo ema daraja andal jamanu be andal dina fu ngammai ngomnati kessa do lornan hakkilo mum ha beddugo nyibugo jihakan bana no mara haje.
A BELLO
