Fada Ardiido leddi famtini duuw ittugo jude ngomnati itti ha duuw barkaaji nyebbam petroljam do, be billaji soinde daraja cheede naira nafan masin ha ustugo manjinki cheede mere mere duum ngomnati habdata be mum kondeye do.
Saurowo Ardiido leddi hedi fiiji shakkol habaruuji ema dabareeji dogginki ngomnati, Bayo Onanuga, on andini banning main de o yalirino ha tasakaram sare Television Prime time nyande altine do be Jemma.
Onanuga beddi wiigo halaaji di himbe yafata wiata duuw ngomnati jogi albassi huwobe je leuru January yobaibe ha jonta do bo, o holli ngomnato do wada tinaaje godde on ndenbo nebatado kala huwowo fu yian cheede mum bana no wowa.
O famtini duuw nebai do office ru Accontanjo maudo mo leddi yecchi jabobe cheede albassi duuw wodi do darni be on amma bo to be wauti billaji dinni ko moye yian cheede mum bana no mara haje.
A BELLO
