Ardiido leddi Najeeriya Bola Ahmed Tinubu hofni fofo Najeeriyaajo nanado ha leddindi, Jimi Solanke mainado nyande altine do do marri dubi 81 ha duniyaru.
Ha habaruuwol ngol shakowo habaruuji ha office ru Ardiido leddi, Ajuri Ngelale, wurtini nden wanningol jude sendanni tefoobe habaruuji nyande altine do ha Abuja andini duuw Ardiido leddi nani jurumdum wade ndotiijo on mardo goga e heare ha kude leddindi.
O tindini mainado on duuw goddo on yottudo haaje jagginiido leddindi nder dubi duddi nden o waddani leddindi kude jahol yesso ko wola kerol ha jamanu makko, ngammai asar wade makko memi komoi na tan lenyol makko duum leddi fu wadi asar..
Tinubu sinkani iyallu mainado on nden hokkibe munyal wautugo mastande maunder nde Allah leldibe ha wakkatire do.
A BELLO
