Ngomnati jiha Kano ha nder gifa woila woladdu hirna leddi Najeeriya andini labi tokkata ngam sembidina yake jabugo cheede jomorli ha jihakan hautande be sukkugo labi majjugo cheede den fun gam wallita ha hebango jihakn cheede keide de bantata daraja risku jihakan.
Ngomnaajo jiha kan Abba Yusuf nder hallidanno be bibbe lumo ha Kano wii ngomnati makko umman jinna darnde jaba cheede jomorli ha bibbe lumo nden fahin sukkan kala biorde ha cheede den majjirta fun gam heba wallita jiha kan ha moftugo cheede ko bantata risku ummatore.
O wii commitiru maskabe ha fiiji lumo tiggete nden huda be bibbe majalissa jiha kan ngam hoa lawol gotol ngol wallititta ha hebango jihakan labi cheede nastooje be no beddirta dudal cheede de nastinte jonta ha nder jiha kan.
O barri filoobe duggobe yobugo cheede jomorli duuw be dayyo hollugo merare ha filuuji mabbe be habda be yoba hake mabbe ngam wallita jihakan ha dugginki kude de cheede hudata be mum.
A BELLO
