Ardiido leddi Najeeriya , Bola Ahmed Tinubu wanni Ardiido kampaniwa Dangote, Aliko Dangote barka be hebugo teddinoore maunder marde daraja ha duniyaru nde Ardiido leddi Senegal Macky Sall hokkimo nden samdinimo be atimmere maunde.
Ha habaruuwol ngol shakkowo habaruuji ha office ru Ardiido leddi Ajuri Ngelale, wurtini nden wanni jude sendanni tefobe habaruuji nyande alamissa do ha Abuja wii Ardiido leddi manni Aliko Dangote be hebango dereke’en ema himbe leddindi dudbe kude ko huwe duum o holli do wallita masin ha wurtinki himbe nder billaji soinde ko wade.
Teddinoore nde leddi Senegal teddini Aliko Dangote e marre kaire on woni burdunde marnde daraja ha leddindin, kaire on mbo Ardiido leddindin holli Dangote handanni hokkego nde o tammi jabugo nyande jumbare 2 didabre leuru February hikka do.
Tinubu lori manni Mr. Dangote be mbondenga kude lumo nder nahiya Africa ema duniya fu no foti, nden o yelanimo hairu, njamu ema jutal balde ha ngedam makko.
A BELLO
