Wobbe fere nder huwobe kude jarida ha leddindi musamman wakili’en kautal jarida’en ngal Arewa Broadcasters Forum, yonitiri bibbe leddindin duuw hokka ngomnati bawal bawo masin ngam heba jekke ngomnati man sata ha dugginki kude jahol yesso bana no mara haje less Ardungal Ardiido leddi Tinubu, heba no ngomnati makko hubira haje mum nder koidum.
Ardiido kautal jarida’en ngal Arewa Broadcast Media Practitioners Forum, Abdullahi Yelwa on wadi yonadu ndun ha wakkati nde o hallidanno be wakilijo sare Radio kongol Najeeriya nde kautal mai waddanino ballo Ardiido leddi Kashim Shettima. Ngilla teddinego ha sare ngomnati wonde Abuja nyande alaissa do.
Ha fahin o naftiri be bososel ngilla kan o dabbiiri sukaabe ummutobe duuw wunda kude jaridaaku masin ngam heba be wona nder shakkobe habaruuji famtina duniyaru ko lesde woni nder.
O holli kude shakkol habaruuji do marri daraja masin kotoye ha duniyaru, ngammai dare’en wurta dabbita andal kude shakkol habaruuji heba hambe ma be hokka wallinde mabbe ha ko yarata leddi yesso.
A BELLO
