Ardiido leddi Najeeriya Bola Ahmed Tinubu wii taskaramji kandudi do wade ha leddi ngam rufa cheede keide be luttudi dabareeji di darata bamta fiiji andal ha leddindi heba wallita sukaabe wurta nder billaji junde mere be kude kallude.
Ardido on andini banning mai on nyande salasa do nde o jabbanno agal wakili’en Jam’iyyatu Ansaridden, ngal dina Islama nde yillino mo ha fada ngomnati wonga Abuja, o tabitini duuw ngilla mabbe mai do nder tinaaje de waddata ragare soinde rento duum yidete be mai jonta ha leddindi.
O holli lawol gotol ngolwaddata ragare fitinaaji soinde rento ha leddindi kanju on woni fesinki andal jamanu fago dereke’en ummutobe , ngam to be hebi ko suklibe ni himbe jodan jam nden fahin kambe dereke’en mai fu be heban ko be wada ha ngurdam mabbe ngam be hisa kude kallude.
Tinubu mettini be dudal soinde rento ha leddindi jonta ko nanadi bana wujjuki himbe fasirmaaji,karamaaku jamanu, nguikaaji mere mere nder pattule be hakkunde gure, duum pat majum o holli ngomnati makko habda sankita duum nder wakkati sedda to Allah munyi.
A BELLO
