Ardiido leddi Najeeriya Bola Ahmed Tinubu umti babal jippol pirooje indande be makko ha gifa jiha Imo nyande altine do nde o yillino jihakan ngam dugginki lamar hunnugo ngomnajo jihakan hebido nasaraku lammineego yebre didabre.
Ha fahinni Ardiido on hebi bososel umtugo labi ko dillanta klomita 10 duum ngomnaajo jihakan Hope Uzodinma hebi timminki ha jamanu makko hautande be timminki babal jippol pirooje maunder bana marre ko ngomnajo on timmini nder dubi sedda.
Tinubu hebi yalirki ha babal Dee Sam Mbakwe ha Owerre bana misallu jamdi 1; 19 kikkide nyande altine do ha rentobe samdinimo hollimo darjidineeki hautande wadugo adi rentobe ngam jabba Ardiido on bana no wowa to Ardiido leddi yilli jiha ha nder leddi makko.
Dudbe nder ardibe jonta en on dofti Ardiido leddi ha ngillakan, nder mabbe hauri be Horeejo majalissa ndotii’en, Godswill Akpabio’ horeejo majalissa wakili’en, Tajudeen Abbas, be ballo makko,Ballo horeejo majalissa ndotii’en Benjamin Kalu, ballo horeejo majalissa ndotii’en Barau Jibrin.
Luttube hauribe ; Babajide Sanwo-Olu mo jiha (Lagos), Alex Otti mo jiha (Abia), Biodun Oyebanji mo jiha (Ekiti), AbdulRahman AbdulRazaq mo jiha (Kwara), Rev. Ft Hyacinth Aliamo jiha (Benue), Gov Lucky Aiyedatiwa mo jiha (Ondo), ngomnajo jiha kebbi, Nasir Idris mo jiha (Sokoto) Ahmad A liyu eko nandi e mabbe.,
A BELLO
