Wakilijo majalissa wakili’en leddindi daga jiha Delta Hon Nnamdi Ezechi efti alkawal waddango himbe je suptimo kude jahol yesso hautande be hokkugo wallinde je nyibata gifakan no handi bako o timmina wadu lamu makko.
O wadi alkawal mai on ha wakkati nde o umtanno nyiballo lumo hesso je o nyibanni himbe gifakan ha He Azunze nder hukuuma pamara Kwale nder jiha Delta, ha fahinni o lori o hokki wallinde kare weltinooje ko nandi bana nyamdu,lemche, beitte eko nandi enon o sendanni ummatore gifa kan.
O wii kude den do nder cheede je be hokkabe be huwina ummatore mabbe kala hitande fu ha majalissa kan nden bo o faan yesso be dugginki kude irin de main gam o walla gifa danyorde makko bana no handi.
Majalissa jo on yetti ngomnaajo jihakan Sheriff Oborevwori, be yide nde o hollata ummatore hautande be kude bode de o dugginta jonta ha jihakan, kanju wadi o efti alkawal hokkugo ngomnajo on kala bawal bawo je o marata haje ha makko fu.
A BELLOS
