Ha wakkati nde duum do rena taugo kita chuubi ngomnaaku jiha Nasarawa, kautal fere ngal robe andirangal be, Advocate Women for Justice (AWJ), yonitiri hitobre ha hitordu maundu ndu Supreme Court duuw habda wada adilaaku ha taugo kitakan ngam yigo be hokkiti mardo gonga ha kitakan.
Ha wakkati nde kautal mai wadanno wankore nyande altine do ha Lafiya fada lamorde jihakan wii bedo wada wanore nden on ngam be dabbita hakke mabbe ha hitordu ndun wannabe adilaaku bana no didadi leddi umriri.
Goto nder wadube wankore nden , Mrs Hanatu John wii bedo tabitini adilaaku do marri himmidinaare ha fiiji chuubi ngammai bana no hitordu ndun wadi adilaaku ha jihaji Kano, Famfara, Plateau nyande jumbare do bedo yella adilaku hambe ma ha kita mabbe je jiha Nasarawa.
Wadobe wankore nden manni yebre shariya leddindi be hollugo adilaaku ha kitaaji mabbe je balde de ngammai handi adilaaku mai tokko ngam wadda nasaraaku lamu Democradiyya hautande be tabitinki jinde jam hakkunde ummatore leddindi.
A BELLO
