Horeejo majalissa wakili’en leddindi Hon. Tajudeen Abass manni rentobe soja’en be luttube fu be tinaare kude rento ko be kabdi be mum ha nder leddindi ema kude rento ko be kuwi ha lesde fere nder duniyaaru.
Abbas wii soja’en leddui Najeeriya do nder soja’en habdobe nder duniyaaru, nden bo bedo nder rentobe marbe tidal be basira kude rento, ha fahin o wannibe barka be lorugo wada lamar numtaaki be soja’en je hitande do, duum wadete kala 15 leuru Jnauary fu.
O wii Najeeriya en pat do andi tinaare nde rentobe leddindi kabdata be mum musamman nde jonta fitinaaji soinde rento do mema kotoi nder leddindin ngammai o fodi hakkilo ngomnati bedda welnanki rentobe hokka be hakke mabbe nder wakkati ngam heba sattina jokke mabbe ha dugginki kude rento bana no mara haaje.
Abbas fodi hakkilo rentobe duuw ta be soma be hokkugo leddindi rento ngam duum kungal on ngal be yowana.ngammai be naftira be basira ko Allah hokkibe ha faddago leddindi daga bononda hallube.
A BELLO
