Ardiido leddi Najeeriya Bola Ahmed Tinubu, tiggi commitiru himbe jewo ha nder ngomnati makko ngam fudda lartugo no duum umminirta kampaniwa tappowa jamde nga Ajaokuta jiha Kogi.
Ministaajo fiiji jahol yesso jamde nafooje leddindi, Shuaibu Audu on andini banning main de o hallidanno be tefoobe habaruuji ha fada ngomnati mobngal leddi ngonga Abuja tippungel nde be timmini wadugo gidal sirri be Ardiido leddi nyande alamissa do.
Wakili’en commitiru ndun hauri be Ministaajo fiiji cheede be ministaajo ybere risku leddi, Wale Edun, Ministaajo fiiji kampaniiji ema rufol jarfu, Doris Uzoka, Ministaajo fiiji barkaaji leddi, Dele Alake, Ministaajo fiiji rento leddi, Muhammadu Badaru hautande be Ministaajo fiiji jahol yesso jamde nafooje, Shuaibu Audu.
Audu beddi wiigo wakili’en commitiru ndun wowanaama dongal lincitaaki ko saggiti darnugo kampaniwangan hautande be hougo jabrude kandude de lorata fuddita kude ha maga, ngam heba bedda sembidinki yaake risku leddi, nden to kude den timminaama hebinan dereke’en kude ko huwa bana ujune temerre juwi e gelde.
A BELLO
