Ngomnaajo jiha Kogi, Alhaji Yahaya Bello lammini ardiibe hukuumaaji pamari heddeko’en 21 ngam be larta jahangal lamorde hukumaji pamari majum bako chuubi kessi duggine.
Lamminol ardiibe hukuumaji pamari mai wari on bawo nde wadu ardiibe suptaabe ko Sali wari ragare kanju wadi ngomnajo on lammini ardiibe heddeko’en bakko chuubi kessi wade, nder leuru December hitande rowaani on wadu ardibe salinibe mai timmi.
Shakowo habaruuji ha office ru ngomnaajo on, Onogwu Muhammed, nde wutinanno habaruwol mai ha Lokoja nyande altine wangini duuw lamminabe hesbe mai hokkama labangal ardungal hukuumaji din ha be hunaire ko be huni ngam be hakkilina jahol yesso maji ema ko billatadi.
Ngomna Yahya Bello yinitiri lamminabe ben duuw be joga kude mabbe jude didi nden be dayyo kude mosle no famdorifu ngam kala nangiraado be aibe mosle fu fartete ha kude nden bo hitete kita nauka.
A BELLO
