Ardiido leddi Najeeriya Bola Ahmed Tinubu umri ustuugo dudal himbe doftobe mo to odo dilla jahalle yasi leddi ema nder sare fu jonde wore.
Rahotoojo do kola duuw Ardiido leddi usti doftobe ben ko wadata gebe 60 nder temerre ha be wowi doftaaki mo to odo dilla jahaale musamman jahaale yaasi leddi. Duuw rahotowol mai wii wola bote himbe ujunedde tokka mo to o Dillan jahangal.
Umrore ndenni meman huwobe ha hukuumaji ngomnati leddindi be wowi tokkugo agal wadobe jahangal be Ardiido leddi,ha fahin umrore mai memi ofiice ru ballo Ardiido leddi,be office ru koreejo Ardiido leddi be koreejo ballo Ardiido leddi mai fu.
Nde o wannano tefobe habaruuji jawaabu ha fada Ardiido leddi, shakowo habaruuji ha office ru Ardiido leddi Ajuri Ngelale wii umrore nden wurti on bawo nde be tawi dudal dillobe be Ardiido leddi do majjina cheede collide ha mere ko wola nafu, ngammai daga jonta himbe sedda on tan achete tokka Ardiido leddi to wadan jahangal.
A BELLO
