Maudo soja’en leddindi (COAS) Lieutenant General Taoreed Lagbaja dabbitiri soja’en sangere 82 huwobe kude rento musammanje ha gifa fombina woladu funa leddindi duuw be sattina jokke mabbe be duggina kude rento no handi ngam wirga kude kallude ha gifakan.
Maudo sja’en mai wii didadi leddi hokki soja’en bososel dugginki kude rento musammanje to wodi fitinaaji soinde rento ha leddi, ngammai wola ko be mbarinta mandu be habda be hona kala kude bonnude fu ha nder gifakan nabe wonnugo wakkati.
Ha habaruuwol ngol bolinowo hukuuma soja’en leddindi Major General Onyema Nwachukwu, wurtini duuw maudo soja’en mai hokki umrore nde on ha wakkati nde o yillino fada lamorde soja’en je sangere 82 wonde Enugu ngam sattinki balli mabbe be kude rento..
O fodi hakkilo rentobe ben duuw be dabbita narral be bawal bawo daga ha ummatore wuro ngam heba be mballite be bayanuuji labdi di wallititta be ha dugginki kude rento mai bana no mara haje.
A BELLO
