Kore Ardiido Lesdi Naajeeriya, Oluremi Tinubu jabbi binngle keccel danyaangle 1 lewru jenuary hitaande hesru ndu 2024 haa nyawndorde nde Abuja laamorde Lesdi Naajeeriya.
O tefri reedu’en lincitaaki hepta kobe ngontiri ndeyefu musamman ko laarani foondo nyaw HIV/AIDS.
O wi niiman do faddan raabuki batten yaw ngun hakkunde Daada’e Binngle.
Kadima O tefri marbe jarful wallita ngomnati ngam be sembidina kuude shaanu nyawndiigu nder Lesdi Naajeeriya no haandi.
Oluremi Tinubu besdika bee wiki nder taskaramji mabbe di hesditinki Lesdi Naajeeriya anndira, Renewed Hope Initiatve, do hawti kopi bee UNICEF bee hoori hakkiillo hedi shaanu Bacci.
Hooreejo nyaw ndorde nden, Prof Mohammed Raji Mahmood wakkati O wannginanno seyo maako o wi wakkati wadi nde be besdata dabbutuki walliinde ko wallata ummaatoore’e nyawndorde nden.
Nder tawaabe haa yaadu ndun bawto kore Ardiido on woodi kore ballo Ardiido Lesdi Naajeeriya, Hajia Nana Shettima, ministaajo shaanu Rewbe, Uju Ohaneye, kore Ministaajo shaanu golle, Mrs Umahi enanta kore ministaajo mo hakkilanta shaanu faddo, Mrs Bello Matawalle.
SADIQ ALFA
